Toshkent, O‘zbekiston (UzDaily.uz) — O‘zbekiston Respublikasi tashqi ishlar vazirining birinchi o‘rinbosari Bahromjon A’loyev Afg‘onistonning diplomatik missiyasi rahbari Abdul G‘affor Teraviy bilan uchrashuv o‘tkazdi.

Uchrashuvda Afg‘onistondagi hozirgi vaziyat va uzoq muddatli tinchlik va barqarorlikka erishish yo‘llari haqida atroflicha fikr almashildi.

Tomonlar o‘zbek-afg‘on munosabatlarini yanada rivojlantirish istiqbollari, shuningdek, turli sohalardagi hamkorlik masalalarini muhokama qildi.

Afg‘oniston missiyasi rahbari Afg‘oniston bo‘yicha mintaqaviy pozitsiyani muvofiqlashtirishda va afg‘on xalqiga insonparvarlik yordamini ko‘rsatishda O‘zbekistonning faol rolini yuksak baholadi.

Uchrashuv O‘zbekistonning qo‘shni mamlakatda tinchlik jarayoni va barqarorlikni qo‘llab-quvvatlashga sodiqligini yana bir bor tasdiqladi.