Toshkent, O‘zbekiston (UzDaily.uz) — 2024 yilda O‘zbekiston xorijdan 374,5 million AQSH dollari qiymatiga 4,2 millionga yaqin mobil telefon import qilgan. Bu haqda Statistika agentligi xabar berdi.

Eng ko‘p telefonlar Xitoydan olib kelingan bo‘lib, ushbu mamlakatdan 3,4 million dona qurilma import qilingan.

Ikkinchi o‘rinni Vyetnam egalladi — 589,4 ming dona, undan so‘ng Hindiston — 113,6 ming dona telefon yetkazib berilgan.

Gonkongdan 46,1 ming dona mobil qurilma olib kelingan, qolgan davlatlarning umumiy ulushi 5,4 ming donadan iborat.