Toshkent, O‘zbekiston (UzDaily.uz) — Statistika agentligi ma’lumotlariga ko‘ra, 2024-yil yanvar-noyabr oylarida O‘zbekiston xorijga 2,65 mlrd AQSH dollariga teng bo‘lgan to‘qimachilik mahsulotlarini eksport qilgan. Ushbu ko‘rsatkich umumiy eksportning 10,9 % ini tashkil etgan.

Agentlikning xabariga ko‘ra, eksportning asosiy qismi ip-kalavaga to‘g‘ri kelib, uning hajmi 1,15 milliard dollarni tashkil etdi. Tayyor to‘qimachilik mahsulotlari eksporti 1,04 milliard dollarga yetgan bo‘lsa, trikotaj matolar eksporti 271,4 million dollarni tashkil etdi.

Bundan tashqari, matolar 134,9 million dollarlik miqdorda eksport qilingan bo‘lsa, paypoqlar eksporti 38,2 million dollarga teng bo‘ldi.