Toshkent, O‘zbekiston (UzDaily.uz) — 2024-yil yanvar-noyabr oylarida O‘zbekiston 205,5 ming tonna uzum eksport qilib, bundan $174,7 million daromad oldi. Bu haqda Statistika agentligi ma’lumotlarida keltirilgan.

Eksportning asosiy qismi MDH davlatlariga to‘g‘ri keldi.

Eng yirik importchi Rossiya bo‘lib, u 164,2 ming tonna uzum xarid qildi, bu umumiy eksport hajmining katta qismini tashkil etadi.

Qozog‘iston 19,4 ming tonna, Qirg‘iziston esa 14,5 ming tonna mahsulot import qildi.

Shuningdek, Belarusga 6,6 ming tonna, Ukrainaga esa 334 tonna uzum yetkazib berildi.

Mongoliya ushbu davrda 128 tonna uzum xarid qilgan.

Qolgan 393 tonna uzum esa boshqa davlatlarga eksport qilindi.