Toshkent, O‘zbekiston (UzDaily.uz) — 2024-yilning yanvar-noyabr oylari davomida O‘zbekiston 125,2 ming tonna sabzini eksport qilib, buning evaziga $9,6 million daromad qildi. Bu haqda O‘zbekiston statistika agentligi xabar berdi.

Sabzining asosiy qismi qo‘shni davlatlarga eksport qilingan. Qozog‘iston eng yirik xaridorga aylanib, 50 276,9 tonna sabzi sotib olgan.

Shuningdek, Qirg‘iziston 41 713,3 tonna sabzi import qilgan. Rossiya esa an’anaviy ravishda muhim savdo sherigi bo‘lib qolib, 30 537,1 tonna sabzi xarid qilgan.

Qolaversa, Belarusga 1 262,8 tonna va Latviyaga 614,1 tonna sabzi yetkazib berilgan. Qolgan 823,2 tonna mahsulot boshqa mamlakatlarga eksport qilingan.