Toshkent, O‘zbekiston (UzDaily.uz) — Maktablarda o‘zbek tili va adabiyoti fani o‘qituvchilari oylik maoshlariga tarif stavkasiga nisbatan 50% miqdorida ustama oladi.

Qo‘shimcha to‘lovlar O‘zbekiston Respublikasi Milliy bilim va ko‘nikmalarni baholash tizimi tomonidan berilgan o‘zbek tili va adabiyoti sertifikatiga ega pedagoglarga taalluqli bo‘ladi. Bu haqda Maktabgacha va maktab taʼlimi vaziri Xilola Umarova o‘zining Telegram-kanalida maʼlum qildi.

Prezidentning «O‘zbekiston – 2030 strategiyasini amalga oshirishga qaratilgan Davlat dasturi to‘g‘risida»gi farmoniga muvofiq, to‘lovlar 2025 yil 1 fevraldan boshlanadi.

«Farmonga ko‘ra, 2025 yil 1 fevraldan boshlab Maktabgacha va maktab taʼlimi vazirligi tizimidagi umumtaʼlim muassasalarida davlat tili — o‘zbek tili fanidan dars beruvchi va Milliy bilim va ko‘nikmalarni baholash agentligi tomonidan berilgan o‘zbek tili va adabiyoti sertifikatiga ega bo‘lgan o‘qituvchilarga har oylik maoshlariga tarif stavkasiga nisbatan 50% miqdorida ustama to‘lanadi», — dedi Xilola Umarova.