Toshkent, O‘zbekiston (UzDaily.uz) — 2-noyabr kuni Namangan viloyatida maktab o‘quvchilari ishtirokida yo‘l-transport hodisasi sodir bo‘ldi, deb xabar berdi viloyat YHXX matbuot xizmati.

YTH soat 10:00 atrofida Namangan shahri Amir Temur ko‘chasida sodir bo‘lgan. Xususiy maktabning 9-sinf o‘quvchisi dugonasi bilan 150 ming so‘mga Lacetti rusumli avtomashinani ikki soatga ijaraga olib, ertalab soat 09:00 da katta yo‘lga chiqib ketgan.

O‘quvchi boshqaruvni yo‘qotib qo‘ygan va natijada mashina keskin aylanib, yo‘l chetidagi daraxtga urilib ketgan.

Qonun buzuvchining otasi bilan suhbat o‘tkazildi va unga o‘g‘lini yanada diqqat bilan kuzatib borish, shuningdek, uning maktabga qatnashini nazorat qilish taklif qilindi.