Toshkent, O‘zbekiston (UzDaily.uz) — Buxoro viloyatining Jondor tumanida yo‘l-transport hodisasi sodir bo‘ldi, unda 45 yoshli Cobalt haydovchisi YHXX xodimiga qasddan urilib ketdi. Hodisa joyidan olingan video ijtimoiy tarmoqlarda tez tarqaldi.

Ta’kidlanishicha, jabrlangan inspektorning bodi-kamerasi orqali olingan videoyazuvda haydovchi ikkinchi qatorda to‘xtagani sababli, inspektor unga jarima bayonnomasi rasmiylashtirishini ma’lum qilgan. Bundan so‘ng haydovchi nojoiz so‘zlar bilan unga e’tiroz bildirgan.

Shundan keyin haydovchi mashinani tezkorlik bilan chapga burib, inspektorlardan birini urib yuboradi. Shu paytda harakatlanayotgan Matiz rusumli mashina ham xodimni yengil urib o‘tadi. Cobalt haydovchisi mashinani to‘xtatgan, jabrlangan inspektor esa shifoxonaga yetkazilgan.

O‘zbekiston Bosh prokuraturasi matbuot kotibi Xayot Shamsutdinovning ma’lum qilishicha, ushbu holat yuzasidan O‘zbekiston Jinoyat kodeksining 219-moddasi (hokimiyat vakili yoki fuqarolik burchini bajarayotgan shaxsga qarshilik ko‘rsatish) bo‘yicha jinoiy ish qo‘zg‘atilgan. Haydovchi qo‘lga olingan.