Toshkent, O‘zbekiston (UzDaily.uz) — Buxoro viloyatining G‘ijduvon tumanida xususiy turar joyda portlash sodir bo‘ldi.

Viloyat Favqulodda vaziyatlar boshqarmasi maʼlumotiga ko‘ra, hodisa 12 fevral kuni G‘ijduvon tumanidagi “Guliston” mahallasida sodir bo‘lgan.

Dastlabki maʼlumotlarga ko‘ra, hodisaga uy ichida gaz to‘planishi sabab bo‘lgan. Chiroq yoqilganda gaz-havo aralashmasi portlagan.

Portlash natijasida yong‘in kelib chiqmagan. Bir kishi tan jarohati olgan, halok bo‘lganlar yo‘q.