Toshkent, O‘zbekiston (UzDaily.uz) — “Asakabank” AJ Yagona korporativ axborot portali maʼlumotlariga ko‘ra, yangi oddiy aksiyalar emissiyasini ro‘yxatdan o‘tkazdi.

Ushbu chiqarilish doirasida bank umumiy qiymati 609,39 mlrd so‘m bo‘lgan 4 383 795 387 dona oddiy aksiyani joylashtiradi. Bir aksiyaning nominal qiymati 139,01 so‘mni tashkil etadi.

Qimmatli qog‘ozlar yopiq obuna tartibida joylashtiriladi. Bundan oldin, 2025 yil iyul oyida bank aksiyadorlari taqsimlanmagan 641,46 mlrd so‘m foydani ustav kapitaliga qo‘shish to‘g‘risida qaror qabul qilgan edi.