Toshkent, O‘zbekiston (UzDaily.uz) — O‘zbekiston milliy jamoasi va Moskvaning SSKA jamoasinin yarim himoyachisi Abbosbek Fayzullayev Turkiyaning «Istanbul Bashakshehir» jamoasiga o‘tishi bo‘yicha muzokaralarning yakuniy bosqichiga yetdi. Bu haqda «Chempionat Aziya» nashri xabar berdi.

Manbaga ko‘ra, turk klubi 21 yoshli futbolchi uchun 7,5 million yevro va bonustarni to‘lashga tayyor. Shartnomaning to‘liq qiymatini “Bashakshehir” o‘z zimmasiga oladi. Klublar o‘rtasidagi muzokaralar faol bosqichga kirgan.

Yakunlangan mavsumda Fayzullayev SSKA safida barcha musobaqalarda 39 ta o‘yin o‘tkazib, 3 ta gol urdi va 8 ta golli uzatma amalga oshirdi. U jamoaning eng istiqbolli o‘yinchilaridan biri sifatida eʼtirof etildi.

Eslatib o‘tamiz, avvalroq O‘zbekiston milliy terma jamoasi sardori Eldor Shomurodov ham Italiyaning “Roma” klubidan «Istanbul Bashakshehir»ga ijara asosida o‘tgan edi. Unga nisbatan to‘liq sotib olish imkoniyati ko‘zda tutilgan bo‘lib, klub hujumchi bilan uzoq muddatli hamkorlik qilish niyatida ekanini yashirmayapti.