7 oyda 3,8 ming nafar O‘zbekiston fuqarosi Buyuk Britaniyaga bordi

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yil yanvar–iyul oylarida 3,8 ming nafar o‘zbekistonlik turistik maqsadda Buyuk Britaniyaga safar qilgan.

Bu ko‘rsatkich o‘tgan yilning shu davriga nisbatan 1,1 ming nafarga ko‘p bo‘lib, o‘sish 40% ni tashkil etdi.

Joriy yilning dastlabki yetti oyida o‘zbekistonliklarning Buyuk Britaniyaga safar maqsadlari quyidagicha taqsimlangan: 2 713 kishi sayyohat uchun, 512 kishi o‘qish maqsadida, 448 kishi yaqinlarini ziyorat qilish uchun yo‘l olgan, 94 kishi xizmat safariga chiqqan, 19 kishi esa davolanish uchun borgan.