Toshkent, O‘zbekiston (UzDaily.uz) — 2025 yilning birinchi choragida O‘zbekistonda ipoteka kreditlariga 4,4 trln. so‘m yo‘naltirilgani haqida Markaziy bank xabar berdi.

Ushbu mablag‘ning 3 trln. so‘mi Moliya vazirligi tomonidan ajratilgan, 1,1 trln. so‘m — tijorat banklari tomonidan, yana 310 mlrd. so‘m esa Ipoteka refinansirlash kompaniyasidan kelib tushgan.

Aprel boshiga kelib, ipoteka kreditlarini 15 mingta O‘zbekiston fuqarosi olgan, shuningdek, qarz oluvchilarning asosiy qismini (63%) erkaklar tashkil etmoqda. Barcha ipoteka kreditlarining 75% yangidan qurilgan binolarni sotib olish uchun yo‘naltirilgan.

1 aprelga kelib ipoteka kreditlarining qoldig‘i 70,1 trln. so‘mni tashkil etdi.