Toshkent, O‘zbekiston (UzDaily.uz) — 2024-yilning yanvar-dekabr oylari davomida O‘zbekistonda 399 327 yengil avtomobil ishlab chiqarildi, bu haqda Statistika agentligi xabar bermoqda.

Taqqoslash uchun, 2023-yilda mamlakatda 395 724 yengil avtomobil ishlab chiqarilgan edi.

Maxsus yengil avtomobillarni hisobga olgan holda ishlab chiqarilgan avtomobillar soni 424 808 donani tashkil etdi.

Agentlik ma’lumotlariga ko‘ra, ishlab chiqarilgan avtomobillarning eng katta qismini Chevrolet Cobalt modeli tashkil etadi. 2024-yilda UzAuto Motors ushbu modeldan 164 887 dona ishlab chiqargan, bu 2023-yilga nisbatan 39,5% ga ko‘p.

Shuningdek, UzAuto Motors 101 912 dona Damas markali avtomobil (14,3% ga o‘sish), 45 918 Tracker avtomobili (4,5% ga pasayish), 41 661 Onix avtomobili (36,2% ga o‘sish) va 12 837 Gentra avtomobili (84,4% ga pasayish) ishlab chiqargan.

2024-yilda O‘zbekistonda 6 301 dona Chery avtomobili (35,9% ga kamayish), 19 328 dona KIA avtomobili (28,5% ga o‘sish), 2 473 dona Haval avtomobili (18,5% ga o‘sish), 6 dona Lada va 4 004 dona BYD avtomobili ishlab chiqarilgan.

Shuningdek, hisobot davrida 25 481 dona yengil maxsus avtomobil ishlab chiqarilgan, bu o‘tgan yilga nisbatan 2,3% ga ko‘proq.