Олимпия шаҳарчасида Ўзбекистон байроғи кўтарилди

Тошкент, Ўзбекистон (UzDaily.uz) -- 2-август куни Бразилиянинг Рио-де-Жанейро шаҳридаги Олимпия шаҳарчасида Ўзбекистон байроғининг тантанали кўтарилиш маросими бўлиб ўтди.

Миллий олимпия қўмитаси матбуот хизматининг маълумотларига кўра, тадбирда Ўзбекистон спортчилари, 2016-ёзги Олимпия ўйинлари ташкилий қўмитаси вакиллари ва Рио-де-Жанейро шаҳри маъмурияти иштирок этишди.

Бразилиянинг Рио-де-Жанейро шаҳрида ўтадиган бу галги Олимпия ўйинларида Ўзбекистон спортчилари академик эшкак эшиш, бадиий гимнастика, байдарка ва каноэда эшкак эшиш, бокс, дзюдо, енгил атлетика, оғир атлетика, спорт гимнастикаси, стол тенниси, сузиш, таэквондо (WTF), теннис, трамполин, ўқ отиш, эркин ва юнон-рум кураши каби қатор спорт турлари бўйича баҳслашади.