«Ўзбекгидроэнерго» АЖ томонидан 2022-2026 йилларда жами 868 МВт қувватлар ишга туширилади
18/02/2022 16:31
«Ўзбекгидроэнерго» АЖ томонидан 2022-2026 йилларда жами 868 МВт қувватлар ишга туширилади
2022-2026 йилларга мўлжалланган Янги Ўзбекистоннинг Тараққиёт стратегиясини “Инсон қадрини улуғлаш ва фаол маҳалла йили”да амалга оширишга оид Давлат дастурига мувофиқ, 2022-2026 йилларда “Ўзбекгидроэнерго” АЖ жами 868 МВт бўлган қўшимча ишлаб чиқариш қувватлари ишга туширилади.
Дастурга кўра, 15 та янги гидроэлектр станцияларни (ГЭС) қуриш ва 5 та мавжуд ГЭСларни модернизация қилиш ҳисобига йилига қўшимча 868 МВт электр энергиясини ишлаб чиқариш қувватлари барпо этилади.
Жумладан:
2022 йилда Самарқанд, Сурхондарё ва Тошкент вилоятларида қўшимча 173 МВт қувват яратиш бўйича 7 та;
2023 йилда Тошкент вилоятида 1 та ГЭС модернизациясини якунлаш ҳамда Қашқадарё ва Андижон вилоятларида жами қуввати 29 МВт бўлган 2 та;
2024 йилда Андижон, Наманган, Сурхондарё ва Тошкент вилоятларида 1 та ГЭС модернизациясини якунлаш ҳамда жами қуввати 122 МВт бўлган 4 та;
2025-2026 йилларда Қашқадарё ва Тошкент вилоятларида жами қуввати 544 МВт бўлган 4 та ГЭСларни ишга тушириш режалаштирилган.
Мазкур лойиҳаларни ишга тушириш орқали «яшил иқтисодиёт» технологияларини гидроэнергетика соҳасида фаол жорий этиш, иқтисодиётнинг энергия самарадорлигини оширишга хизмат қилади.
