КНАУФ аҳоли учун бепул курсларни тақдим этади

Тошкент, Ўзбекистон (UzDaily.uz) -- КНАУФ компанияси барча хоҳловчилар учун таъмирлаш ишларининг асосларини ўргатиш бўйича бепул курсларни таклиф этади. Машғулотлар дам олиш куни ўтказилади.

Германия компаниясининг маълумотларига кўра, дастлабки машғулотлар КНАУФ ўқув маркази базасида ўтказилиб, биринчи сабоқ 2016-йилнинг 10-июль куни соат 10:00 дан 14:00 га қадар бўлади. Курслар Ўзбекистон пойтахтидаги КНАУФ офисида ўтказилади.

Кейинги машғулотлар шунингдек, жорий йилнинг 24-июль ва 7-август куни ҳам бўлади. КНАУФнинг бепул дарсларида иштирок этишни истаган барча хоҳловчилар рўйхатдан ўтишлари лозим бўлади.